منتديات moot gamezer
Group : ζ3z
ID :
dc9d5c51d0bee197a43b75155ae07d2d
Password :
1122
منتديات moot gamezer
Group : ζ3z
ID :
dc9d5c51d0bee197a43b75155ae07d2d
Password :
1122
منتديات moot gamezer
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخولمنتديات انوار الشرقيةخلوني ادرج قدم رجلي على الممشى واسير 2o005392

 

 خلوني ادرج قدم رجلي على الممشى واسير

اذهب الى الأسفل 
كاتب الموضوعرسالة
مدمن قيمزر

مدمن قيمزر


عدد المساهمات : 117
نقاط : 171
السٌّمعَة : 9
تاريخ التسجيل : 16/08/2010

خلوني ادرج قدم رجلي على الممشى واسير Empty
مُساهمةموضوع: خلوني ادرج قدم رجلي على الممشى واسير   خلوني ادرج قدم رجلي على الممشى واسير Emptyالخميس سبتمبر 09, 2010 10:36 am

[center]خلوني آدرّج قِدم رِجلي على الممشـى .. واسيـر
النفـس موجعهـا الحـزن .. والرجـل مامشيتهـا

في ديرةٍ ماينـدرى .. وش الخفيـر مـن الوزيـر
المـدة اللـي تنصفـط .. بتشيـخ الـى مديتـهـا

الناس الـى مريتهـا كنـك مـع موكـب الأميـر
اتْلـد فـيـك عيونـهـا .. والعـيـن مالديتـهـا

الدمع يـدور للسبـب .. والضيـق مامنـه مطيـر
وعيـون خلـق الله تحـرى دمعتـي .. واخفيتهـا

بغيت أهل الدمعـة اللـي .. كنهـا دمعـة غريـر
لكن .. ذكرت أغلـى مـن الدمعـه .. ولا هليتهـا

ادخل على الله .. من ردى حظى .. وتانيب الضمير
ومـن كلمـة ازريــت لاانطقـهـا ولا كنيتـهـا

ومن طيحة عزوم الكبير .. اللـي خلقـه الله كبيـر
وحاجـة يميـن" لاحشمـت افعالهـا .. كفيتـهـا

تطري علي ثنتين .. وتكويني على الضلع القصيـر
الاولـه فـي خـاطـري .. والثانـيـه ياليتـهـا

مابينت خلة عزيز القـوم .. فـي عيـن الضريـر
اللـي عيونـه شافـت الخلـه .. وانـا ماريتهـا

شدت قوافل آخر آمالي .. وانـا عمـري صغيـر
واقفت يصارعها الظما .. ليـن اختفـت واخفيتهـا

لا حسبـي الله .. كـل ماوردتهـا جـال الغديـر
راحت ماكني .. من ظما غبـر السنيـن اسقيتهـا

راح الكثير .. ولا بقى غيـر القليـل مـن الكثيـر
ثلاثـة اربـاع السنيـن مـن العمـر .. عديتهـا

ماخذت منها غير عشقي .. دانـة البحـر الغزيـر
لعيونهـا خليـت أغلـى ماملـكـت .. وجيتـهـا

بيني وبين اوصالها .. مثل الشهيـق مـن الزفيـر
ماتـت مشاعـر خافقـي لوصالهـا .. واحييتهـا

عشنا .. ثمان سنين .. نرجي تالي المشوار .. غير
الوقـت داااايـم ياخـذ الحاجـه .. الـى حبيتهـا

ولا استباح افراقها قدني على .. (الرمق الأخير) ..
الا عقـب ماشافنـي .. عفـت العـرب واغليتهـا

انا ادري ان اللي ابيه يصيـر .. لايمكـن يصيـر
الى بغيت أكحـل عيـون الظـروف .. اعميتهـا

ماعفت في الدنيا كثر ماعفـت .. تحديـد المصيـر
ودي اسويهـا واخـاف انـدم .. الـى سويتـهـا

فارقتها .. واثر العشير اللـي مفـارق لـه عشيـر
يعيـش فـي دنيـاً مايعـرف حيهـا مـن ميتهـا

اللي يقـول ان الزمـان بخيـر .. والدنيـا بخيـر
يشـوف حالـي كـل مامريـت .. شـارع بيتهـا
الرجوع الى أعلى الصفحة اذهب الى الأسفل
 
خلوني ادرج قدم رجلي على الممشى واسير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات moot gamezer  :: المنتديات العامه :: قيمزر لهمس القوافي والخواطر-
انتقل الى: