على ذكر المواجع والسفر والحل والترحال !!
طويت آخر ورق عندي في دفتر أحزاني ...
طويته .. وانكسر قلبي وصوتي بالمواجع سال
ودريت إن الظلام اللي تحت كف السهر جاني !!
جلست أجمع مسافاتي وأغني للسفر موال
على صفحة من الماضي بها حلمي وعنواني ..
بها كم سافرت عيني ليالي والظلام أهوال
وبها كم سافرت روحي وأنا بالليل وحداني !
[حبيبي كل ما أشوفك تجي بالذاكره تختال
نهر من فايض الذكرى يجي من داخل أشجاني]!! !!
هنا !!
هنا كانت ليالينا ![غلا]! والمقبلات![آمال
]! وهنا كانت مواعيدك مطر تخضر به أغصاني !!
هنا شف .. باقي آثارك على رمل الوعد مازال !.
وهنا شف دمعه طاحت من عيونك على شاني حبيبي !!
حبيبي لا تنشدني عن أوضاعي وكيف الحال !!!
أنا بعدك سحاب أبيض ![أضم الريح بأحضاني]! تسافر بي الذكرى وأحسب إني وصلت آخر وطن بالبال !!
واثرني ماوصلت إلا بداية درب حرماني
وتبقى سيرة الذكرى قصيده تكتب الترحال
سوالف للعيون اللي صداها "دمعةأحزاني"
::
تحياتي لكم